جبت مجموع قليل في الثانوية العامة…حلمي ضاع !!

جبت مجموع قليل (وحش) في الثانوية العامة حلمي ضاع ?

بص ياعم شهادة الثانوية العامة دى مش مقياس مجموع ومستوى وكده وزي ما أنت فاهم ..!
لازم تعرف أن الثانوية العامة في الأول والآخر عبارة عن “ مفترق للطرق” وانت تختار الي يناسبك مهما كان محموعك عشان تكمل فيه… مش طبعاً الطريق الي التنسيق هيختارهولك!!!
جبت مجموع قليل في الثانوية العامة…حلمي ضاع !!

طب انا اي الي مفروض أعمله دلوقتي !

الي مفروض تعمله دلوقتي :
  1. أنك تدور واقرأ عن الكليات بشكل كويس جداً وخذ عنها معلومات وأسئل الطلاب الي فيها بالاسئلة الي بتدور في مخك وهما هيفيدوك..
  2. أنك تعرف مستقبل الكلية دي أي هتتخرج منها اي هتكون اي بكره..
  3. أنك تعرف اي اقسام الكلية دي ووظايفها…
  4. أنك تشوف مواهبك وقدراتك وتكتشتف نفسك وتعرف أنت مكانك فين أنت بتستمتع بأيه..
حاول تختار الكلية الأقرب لطموحك والي هتساعد تنمي موهبتك والي هتستمتع بيها من الكليات المتاحه ليك في التنسيق!

تحذير:

  • أنسى أمبارح واوعلى تفكر فيه
  • سيبك من الناس خالص ومن كلامهم الي لا بيودي ولا بيجيب
  • ثق بالله – عز وجل- وانه كبير ومش هيخذلك ابداً وانك هتقدر تكمل في أي مكانك ومش تقلق ابداً لان مستقبلك مش بأيد حد غير الله عز وجل♥
حاول أنك متبصش للكليات الي متاحه ليك على إنها كليات قليلة وان كان حلمك كلية كبيرة كلية من كليات القمة لأن الي عايز يثبت نفسه بيثبتها في أي مكان والي عايز يعلى ويرتفع بيعلى في أي مكان وطبعاً العكس صحيح ..

لو انا مش حابب أدخل اي كلية من الكليات الي مش كانت هدفي وفجأة لقيتها قدري …أعمل اي ؟؟؟

لو أنت فعلاً مش حابب حاجة من الكليات التانية عشان متعرفش عنها حاجة .. وفجأة لقيتيها قدرك يبقى الحل هو إنك تشيل أي كلية من دماغك خالص من الكليات الي مش هينفع تدخلهم يعني مثلا أكن الله عز وجل مش خلق غير الكليات المتاحه ليك الآن … أي بقاا وبعد كده فكؤ في حاجه ممكن تحبها من الكليات الي متاحه ليك .. وحاول بقا يا معلم تتقبلها برضا ويقين بالله وانه مش بيجيب حاجه وحشه .

من رضي بقضاء الله أرضاه الله بجميل قدره

حاول كمان تحط ليك كذا اختيار من الكليات الي متاحه ليك يعني عشان تدخله ومتنساش تصلي صلاة إستخارة عشان ربنا يرشدك للإختيار الأثول والأفضل ليك في الدنيا والآخرة .. ومتنساش تدعي الله – عز وجل – دايماً انه يكتبلك الخير حيث كان وانه يقرب الخير ليك حيث كان ويرضيك بيه ويبعد عنك الشر .. وعلى فكرة ممكن ده يكون مجرد أختبار من الله عز وجل وربنا هيكافئك فيما بعد لذالك أصبر وأحتسب ولا تجزع. .

لا تدري لعل الله يحدث بعد ذالك أمرا

طب يعني أنا أعمل أي دلوقتي أو اي الصح الي مفروض أعمله؟؟

الصح دلوقتي إنك متفكرش خالص في المجموع العالى أو الكلية الي خلاص راحت !! لانك على فكرة كان ممكن توصلها لأن الله عز وجل قادر على كل شي ممكن كنت وصلتلها وكانت شر ليك أو ربنا ابتلاك بمرض او الناس بصوا ليك بصة حقد وحسد وربنا أصابك بالحسد ده وأنقلبت حياتك للأسوء .. خليك دايما واثق تمام الثقة إن الله عز وجل مش بيجيب حاجه وحشه ابداً للإنسان !
وعلى فكرة كل الكليات زي بعض ، مفيش حاجه سهلة ممكن طالب يدخل كلية الطب أو الصيدلة أو الهندسة أو الصحافة والعلوم السياسية ومش يجتهد فيها ..بالله هيفلح؟ أكيد لا كل الكليات عايزة تعب وجد وإجتهاد والأهم عايزه شخص يكون مؤهل ليها مؤهل أنه يبدع فيها عشان يثبت نفسه على الصعيد الآخر ممكن واحد يدخل كلية تجارة او تجارة باللغة الإنجليزية ويبدع فيها ولأنه مميز ولأنه دايما بيستعين بالله عز وجل دايماً ولأنه رضي بقاء الله عز وجل ربنا راضاه ووفرله فرصة عمل حلوة أو منحه خارج مصر أو شغل خارج مصر وبقي أحسن من 100 دكتور ومهندس ! مش كده؟!
المصدر: صفحة أعمارنا أعمالنا على الفيس بوك تابعوهم♥

موقع إي بوك التعليمي
هنساعدك توصل لحلمك ♥
اترك تعليقا
إغلاق