تجارب طلاب الثانوية العامة .. ذاكرت اخر شهر ودخلت طب وهندسة

تجارب طلاب الثانوية العامة

لو أنت طالب ثانوية عامة وزعلان جدا عشان الوقت فاتك وملحقتش تذاكر وحلمك الي بتحلم بيه بقالك سنين ضاع منك، فأنت هنا عشان أقلك الفرصة لسه قدامك مش بس هتجيب مجموع كبير لأ إنت كمان هتجيب المجموع الي يدخلك الكلية الي كنت تتمناها ، هتدخلك طب أو هندسة  لو أنت علمي ودة كان حلمك ، هتدخلك سياسة وإقتصاد لو أنت أدبي، كل الي عليك بس تابع معايا للاخر ….

أسعد لحظة في الثانوية العامة .. تخيل!

خلينا نتفق كده إن الوقت مبقاش فاضل فيه غير شهر واحد على الأمتحانات، أول حاجة هتعملها تخيل نفسك كده والوزير بيتصل بيك وبيقلك مبروك أنت طلعت الأول مكرر على الجمهورية أو علي المحافظة، تخيل أهلك وهما بيعيطو من كتر من الفرحة الي مستنينها بقالهم سنين، تخيل الناس الي حوليك وهما خلاص بقى بيتعاملوا معاك على أنك دكتور أو مهندس ، إفتكر كويس فرحتك بنفسك هتكون إزاي، ساعتها كل التعب الي هتتعبة في الشهر الي فاضل دة هتنساه ، كل الي عليك ابدء من دلوقتي ونظم وقتك أوعى تفوت لحظة تضيع منك من غير مذاكرة .

تجربتي مع الثانوية العامة

في أمثلة كتيرة أوي تثبتلك كل الكلام الي قولتهولك دة، بس خليني أقلك أنك قبل ما تبدء في أي حاجة في حياتك وعايز ربنا يكرمك فيها، لازم  تقرب من ربنا  الأول وتقوي علاقتك بيه وتطلب منه إنه يعينك علي تحقيق حلمك، تاني حاجة صلي ركعتين لله ثم إدعي الله عز وجل وتوكل علي الله وابتدي مذاكرة .

ذاكرت اخر شهر ودخلت طب

في غيرك كتير الوقت عدي منه ومبقاش قدامة غير شهر واحد بس ، وأول مثال هو “عبد الرحمن محمد جمال الدين الأشهب”، حصل هذا الشاب على المركز الخامس مكرر على مستوى الجمهورية ” علمي علوم ” حكي هذا الشاب قصته وقال أن من أكبر المشاكل التي كانت تواجهه هو كلام الناس الي  كان بيحبطه، كان دايما يسمع منهم كلمة الوقت عدي وكان دائما يشعر بملل في المذاكرة، ولكن قرر عبد الرحمن أن يثبت للجميع أنه لديه القدرة على تحقيق حلمه الذي كان يخطط له من سنين، وبالفعل ضغط على نفسة في آخر شهر ونظم وقته وكان يذاكر ب 14 ساعة مستمر حتى حقق حلمة وأصبح طبيبا بشريا .

قصتي مع الثانوية العامة ومذاكرة في شهر 4 و 5 بس “ذاكرت اخر شهرين ودخلت هندسة”

القصة الثانية من قصص النجاح، طالبة كانت في “علمي علوم” ودخلت قسم “علمي علوم” رغبة من أبيها فهي كانت ترغب في “علمي رياضية”، وكان فاضل على الامتحانات شهرين فقط وبالفعل أخذت القرار وحولت علمي رياضة، وطبعا سمعت كلام كتير محبط من المدرسين ومن والديها، ولكنها أخذت الموضوع تحدي وبالفعل خلصت فروع الرياضة كاملة في شهرين فقط وجابت مجموع عالي ودخلت كلية الهندسة، وتوجه نصيحة لجميع طلاب ثالثة ثانوي بأن أي طالب لو أصرعلى تحقيق حلمة لن يقف أمامه شيء مهما كان .

الملل و 3 ثانوي ! .. ومذاكرة شهر 5

طالبة أخرى تحكي أنها في بداية ثالثة ثانوي كانت حاسة بالملل الشديد من المذاكرة ومحبطة ومقضيه معظم وقتها على  الفيس بوك وأصحابها، والكل كان بيقلها مش هتنجحي وبعد مرور الوقت وجه شهر 5 فاقت لنفسها وقالت لازم اثبت للكل إني قد كلمتي وإني فعلا هكون دكتورة، وبالفعل كانت بتذاكر 16ساعة في اليوم من غير راحة باستثناء وقت الأكل، وفي الأخر جابت مجموع عالي ودخلت كلية الصيدلة وكانت فخورة بنفسها قدام الكل .

الفيس بوك والنت وتضيع الوقت ..طالبة في شهادة الثانوية العامة

صديقة لي تحكي أنها في ثالثة ثانوي كانت دايما ماسكة الموبايل وفاتحة فيس بوك ودايما كانت والدتها تقلها مفيش واحدة في ثالثة ثانوي وماسكة التنليفون طول الوقت،  وكانت دايما تختلف معها ، وتقول هذه البنت أن كل وقتها على الفيس بوك تقرأ قصص واقعية لطلاب ثالثة ثانوي ولكن جه شهر واحد وبدأت إمتحانات شهرية، وكانت  دراجتها وحشة في الميترم ولما تلاقي أصحابها بيتناقشو فى مسألة معينة وهي مش عارفة هما بيقولو كانت بتضايق شوية لكن كانت عارفة إنها هتتفوق عليهم في النهاية، لحد ما جه شهر 4 بدئت تفوق لنفسها وتفتكر القصص الي كانت بتقرئها الي كانت بتديها حماس كبير أوي في إنها تكمل ، وبدئت تلغي الدورس الزيادة  وتروح الدروس المهمة فقط عشان متضيعش وقت، وبدئت تجيب كل الكتب الي  قدامها وكل كتب الأسئلة وتجيب السؤال وتدورعلي إجابتة، وفضلت كدة لحد ما خلصت كل المواد، كانت بتقوم من الساعة 3 الفجر تبدي يومها بصلاة ركعتين لله والدعاء، وبالفعل استمرت كدة لحد ما جه وقت الإمتحان وجابت مجموع طب أسنان وأثبتت للجميع أنها قد المسئولية، وتنصح كل طالب بأن الفرصة لسة قدامه بس ينوي نيه خالصة لوجه الله وربنا هيعينه .

 

نصائح مهمة جدا لطلاب الثانوية العامة

  • كافئ نفسك على أي إنجاز تحققه ولو بسيط .
  • نظم وقتك من بداية السنة 6 ساعات يوميا وأفضل وقت للمذاكرة هو وقت الفجر .
  • ابدأ يومك بالصلاة والدعاء وقراءة القران .
  • لا تقارن نفسك بأحد فكل شخص ولديه قدرات مختلفة عن الأخر يمكن أن يكون لديك القدرة على مذاكرة كتاب بأكمله خلال يومين غيرك لا يستطيع .
  • خذ وقتا كافي للنوم من 7 إلي 8 ساعات يوميا .
  • دون ملاحظاتك أول بأول ووفرحولك جوهادي مناسب للمذاكرة .
  • ألغي أي تفكير في دماغك خلال المذاكرة وإذا أحسست بملل أثناء المذاكرة إستعيذ بالله من الشيطان الرجيم .
  • إشرح المعلومات التي ذاكرتها لأصدقائك فهذا يثبت المعلومة أكثر في ذهنك .
  • ثق دائما بأن الله لا يضيع أجر من أحسن عملا .

واخيرا أحب أن أقول لك، أن الثانوية العامة ليست نهاية الحياة بل بدايتها، كل الي عليك ذاكر وأجتهد وسيب الباقي على ربنا ” إن الله يحب ّإذا عمل أحدكم عملا أن يتقنه ” .

  1. ازاي تطلع من الاوائل وتجيب 100% في الثانوية العامة نصائح من الدكتور محمد المغربي
  2. نصائح لطلاب الصف الثالث الثانوي 2024 في شهررمضان الكريم
  3. أذاكر وانظم وقتي ازاي في رمضان ؟ نصائح في كبسولة لطلاب الثانوية العامة?
اترك تعليقا
إغلاق