عيوب المعهد الفني الصحي ، يسأل طلاب الثانوية العامة هذا السؤال بتخوف بخاصة إذا كان التنسيق وضعهم بين مجموعة كليات من بينهم المعهد الفني الصحي ! إذا كنت من الأشخاص المهتمه بمعرفة عيوب معهد فني صحي إذا لنكمل قراءة هذه المقالة معًا ونتعرف على عيوب المعهد الفني الصحي سويًا .
سألنا طلاب في المعهد الفني الصحي علشان نعرف ايه هي عيوب المعهد الفني الصحي بالنسبالهم وبناء على إجاباتهم على سؤالنا المقال ده هيكون .
عيوب المعهد الفني الصحي
العيوب سنذكرها في نقاط وكل نقطة يجب أن تعرف أنه قد ذكرها طالب في إجابته على سؤالنا ، فهيا بنا نعرف ما هي عيوب المعهد الفني الصحي :
- مفهوش عيب غير اسمه.
- اسمه بس لكن مميزاته كتير .
- المؤهل طبعاً انك تجيب ٩٦ ٪ ومؤهلك فوق متوسط
لو مكملتش كليه وكمان اسم المعهد نفسه و ان مفيش امكانيات يطوروا المعهد ذات نفسه لان المعهد شبه المدرسه الابتدائي كده وحاجة تسد النفس
وكمان ومفيش اهتمام اوي في الشرح او الدكاتره نفسها مش مهتمه بيك زي ما بيهتموا بطلبة الكليات . - مفيش عيوب كله بيعتمد ع اجتهادك انت بعدين .
- مؤهل متوسط واسمه وفعلا محتاج اهتمام وتطوير بس كدا .
- عیبه اسمه معهد یعنی بیاخد من من اعلی المجامیع لازم یعطیله اسم بکاریوس .
- العيب الوحيد إنه معهد .
- أسمه كاسفني ولما حد يسألني أنت في ايه بقله أنا في معهد فني صحي وبحس أنه بيشفق عليا علشان انا فاشل! مع انه بياخد من مجموع عالي .
- هو مفهوش غير ميزه واحده اصلا وهي التكليف والباقي كله عيوب ..من اول المناهج اللي في سنة أولي اللي مبتضفش جديد الي المناهج اللي في السنه التانيه المتكدسه تخيل التخصص بتاعك انت واخده كله في سنه واحده بلص أن القسم العملي زي شعبه اسنان كده مفيش تدريب عملي كويس فيه .. فالمعهد كله علي بعضه كده تكليف.
- المناهج والاهمال الي فيه لانه يستحق تقدير اكتر من كده .
- انو معهد فوق المتوسط .
مش بكلريوس 😂💔 . - العملى فيه قليل جدا رغم ان المفروض دراستك كلها عملى .
- انو بالنسبه لطلبه الدبلوم مبقاش متقسم شعب زي الأول وبقينا شعبه عامه بس وانا كان نفسي ادخل طوارئ ورعاية حرجه .
- العيب الوحيد اللى شايفه فعلا عيب أن طلبة المعهد لو بجد مش عارفه مصلحتها وبتدور عليها هتطلع لسوق العمل مش فاهمه اى حاجه ف لازم تدرس العملى بتاع شغلك سواء فى مستشفى او من فيديوهات على النت وتنزل تطبقه عملى فى مستشفيات بعيدا عن فترة التدريب والامتياز لان معظمنا بينزل فى مستشفيات مفيهاش شغل .
- قول اي المميزه اللي فيه هقولك التكليف غير كدا كله عيوب
١…اسمه معهد وكله بيبصلك يقرف ع انك مطولتش ولا كليه وف الآخر معهد
٢…. شكل المعهد نفسه يسد النفس مدرسه ابتدائي بتاعتي كانت أكبر وانضف منه
٣….. المناهج القمر 😒 كان نفسي ف مناهج تكون صعبه كدا علشان لما اقول جبت تقدير يبقى تقدير فعلا
٤…. التسيب كان نفسي يبقى زي الكليات ف الانضباط والشرح والدخول بكارنيهات ودرجات وحاجات من دي
٥…مش فاكره كان في اي تاني بس دي حاجات من اللي مضيقاني منه . اه حاجه تاني كان نفسي يكون خاص بنفسه خاص بطلبه ثانوي عام بس انا مش بقلل من خريجي الدبلومات التجاره والصناعة وكدا لسمح الله بس انا لما بقول لحد(دبلوم تجاوه أو صناعه ) اني فني صحي يقولي كنت هدخله وابقى زي زيك بس انا اللي رفضه . - تخيلي بقي اني تسجيل طبي وبيقولوا لينا اننا جايين من الدبلومات وانا كنت ثانويه عامه وبمجموع كويس والله .
- انا ابويا كل ما يكون عندنا حد يقول ابني أحمد خريج معهد 💔😂.
- مفيش مميزات غير التكليف غير كده كله عيوب
-معهد فوق متوسط
-في الاول و الاخر اسمه معهد بالرغم اننا جايبين مجاميع فوق 95 والناس هتبصلك بصة اللي هو ملحقتش غير معهد
-مفهوش قاعات مثل الكليات .
-مفيش دكتور بييجي في معاده يقولك 11 وييجي 2
-شرح الدكاترة زفت
-بنبقي قاعدين فوق بعض وفيه ناس واقفة كمان
-ويعتبر مفيش عملي اصلا وقليل جدا بالرغم ان شغلنا كله عملي المفروض
في عيوب اكتر بس ده اللي افتكرته دلوقتي .
الكليات بعد المعهد الفني الصحي
هذه العيوب مأخوذه من إستطلاع تم إجراءه بين طلاب المعهد الفني الصحي على مستوى جمهورية مصر العربية .. ولا يعبر عن رأي الموقع بأي شكل من الأشكال .
ومن الإستطلاع الذي قمنا به نستنتج أن أهم عيوب المعهد الفني الصحي هي:
أهم عيوب المعهد الفني الصحي
- إسم المعهد ” معهد ” وليس ” كلية ” .
- إن المعهد فوق متوسط وليس تعليم عالي .
- عدم إهتمام الدكاترة بالشرح .
- الجزء العملي بالمعهد قليل .
- مبنى المعهد قديم وليس مجهز بالتجهيزات الحديثة مثل الكليات .
ذكرنا عيوب معهد فني صحى ودعونا الان نذكر لكم مميزات المعهد الفني الصحي كما ذكر طلاب المعهد الفني الصحي لنا :
مميزات المعهد الفني الصحي
- التكليف السريع والمؤكد للمعهد الفني الصحي .
بهذا نكون قد إنتهينا من مقالنا لهذا اليوم ، نراكم في مقال جديد .