في خمس دقائق
 |
| بعض النصائح للطلاب قبل إنطلاق مارثون الثانوية العامة 2024 .. لا تفوتها ! |
في 5 دقائق من وقتك تعرف معنا على بعض النصائح المهمة قبل إنطلاق مارثون الثانوية العامة 2024..
- اياك تتوتر لأن التوتر بيخليك تنسي اي حاجة !
- مكان المدرسة اللي هتمتحن فيها أتأكد كويس منه، أتأكد إنك تعرف توصل ليها كويس !
- خلي كل الي تعرفهم يدعوا ليك لأن الدعاء بيغير القدر.
- اتفق مع حد من أصحابك أو حد من البيت عندك يجي يوصلك أول يوم (غير مشروط)
- تصحي بدري علشان توصل اللجنه بدري علي الأقل توصل قبلها بساعة أو نص ساعة.
- أول لما توصل هزر واضحك مع أصحابك اعمل اي حاجة بس اوعي تمسك كتاب عشان مش تتوتر !
- أول لما تدخل اللجنة خد نفس كده وهدي نفسك .
- إياك والتوتر !
- أول لما تمسك الورقة تكتب بياناتك وأمسك الأسئلة بص عليها كدة بصه سريعة ،هتلاقي في حجات ناسيها وحجات فاكرها دا طبيعي جدا.
- أستعن بالله وإقراء الأدعية .
- نفترض ناسي أجابه مش مشكلة سيبها للآخر خالص .
- أكتب كل اللي تعرفه وسيب الباقي..
- خلي عندك أمل كبير في ربنا وفي إنك عملت اللي عليك أكيد ربنا مش هيسيبك
وأهم نصيحة في النصايح دي كلها…
- على مواقع السوشيل ميديا خاصة “الفيس بوك ” في ناس بتنشر وتشيع إن معاها الإمتحان وممكن تدهولك بمقابل مادي ،إياك ثم إياك ثم إياك تسمع كلامهم أو تنساق خلفهم أو تضيع وقتك معاهم لأن الناس دي ببساطه “ناس نصابة” ومفيش أي تسريب سيحصل في إمتحانات الثانوية العامة 2024 !
نتمنى لكم التوفيق!