 |
| 6 نصائح ليك.. لو امتحاناتك في شهر رمضان |
امتحاناتك في شهر رمضان؟ لا تقلق .. ان شاء الله هنقدملك شوية نصائح تقريبا كده 6 نصائح وده لمساعدتك على تنظيم وقتك بشكل جيد ومساعدتك على المذاكرة والمراجعة في شهر رمضان الكريم والنصائح دي موجهه لكل شخص حظه السيئ خلى امتحاناته في شهر رمضان لانهم طبعا عمرهم ما هيمشو مع بعض وده طبعا بالنسبة لطلاب الصف الثالث الثانوي أو طلاب الكليات او غيره وغيره ..
خلينا بقا نبدأ النصائح وهي كالاتي:
- أفضل وقت للمذاكرة في شهر رمضان الكريم
فترة ما بعد السحور هي من أفضل الأوقات الي ممكن تذاكر فيها وذالك لأنك بتكون في أفضل حالة .
- ابدأ بايه؟!
ابدأ بالأجزاء الصعبة عشان انت بتكون في كامل قوتك وكامل حماسك ونشاطك وسيب بقا الأجزاء السهلة للفترة الي بتكون تعبان فيها أو مرهق .
- ممنوع مشاهدة التلفزيون واي وسيلة ممكن تشتتك.
ايوه ممنوع انك تتفرج على المسلسلات والافلام الي بتتعمل خصيصا في شهر رمضان أو انك تضيع وقتك باي طريقة ممكنة في اي حاجه لا فائدة منها وخصص وقتك كله للمذاكرة ومراجعة المواد والعبادة .
- أفطر ازاي؟
متهجمش على الأكل والشرب مره وحده كده فقط تمهل! ده لو انت عايز ميحصلكش مشاكل بسبب الأكل او أن وقتك يضيع ..
أتبع بقا النصايح دي ..
- حاول تفطر على اي حاجه خفيفه وياريت لو كم بلحة او تمرة
- أستبدل شرابك الفاتر بآخر ساخن
وحسبك هذا من الطعام والشراب ⚠️ عشان ميجيلكش خمول أو يضيق نفسك واحنا طبعا في عرض دقيقه للمذاكرة او للعبادة !، وكمل بقا أكل وشرب بعد صلاة التراويح وكل زي ما انت عايز بكده هتحافظ على جسمك ووقتك .
- السحور!
السحور أهم وجبة حاول بقا تكلم والدتك وتخليها تهتم بيك من ناحية الأكل وانها تقوم بمدك بالمأكولات والوجبات الغنية بالمواد الغذائية والسعرات العالية لكي تزيد من تركيزك في فترة الامتحان .
- 10 دقائق من وقتك لقراءة القران الكريم مش هتخليك تسقط!
الشيخ الشعراوي – ربنا يرحمه – بيقول “إذا كنت بعيد عن الله فأنت بعيداً عن كل شئ”
متخليش نفسك الأمارة بالسوء تقنعك إنك لما توفر 10 دقائق عشان تقرأ فيهم صفحة أو صفحتين من القران الكريم أو لما توفر وقت تقرأ فيه أذكار الصباح أو أذكار المساء أو حتي صلاة التراويح أو الصلوات المفروضة خاصة صلاة الفجر الي هي خير من الدنيا وما فيها أنك كده بتساعد نفسك أكثر وأكثر ..أبداً والله! لان ممكن الروحانيات دي والأعمال الصالحة دي ممكن تخلي ربنا يوفقك في الامتحان أو انه يبعد عنك شر لان كل حاجه بايد ربنا عز وجل وخلي همك دايما الاخر تأتيك الدنيا راغمة! وكن مع الله يكن كل شئ معك
اخيراً الصيام ابداً لن يؤثر على المذاكرة وعليك باتباع سياسة التوازن بين الجانب الديني ومذاكرتك وان تستغل هذا الشهر الكريم المعظم في كل خير فهو شهر للجد والاجتهاد .