أقعد من الدروس واذاكر لوحدي وأوفر وقتي وفلوسي ولا أروح الدروس؟ ثانوية عامة

أقعد من الدروس واذاكر لوحدي وأوفر وقتي وفلوسي ولا أروح الدروس؟ معانات طالب ثانوية عامة

السؤال ده بيجي لمعظم طلاب الثانوية العامة ده أن مكنش كلهم وبيجي في الوقت ما بين شهر 2 فبراير وحتي شهر مايو! والطالب طبعا محتار يروح الدرس! ولا يذاكر في البيت!
في المقال ده هنحاول نجاوبلك على السؤال جه ونديك نصيحتنا.. يلا نبدأ..


أقعد من الدروس واذاكر لوحدي وأوفر وقتي وفلوسي ولا أروح الدروس؟ اعمل اي مش عارف!

لما بتسأل السؤال ده وتحاول تستشير حد فيه… في ناس بتجاوبك وبيقولوا ليك :-

  • اقعد يبني وخلص أمورك وذاكر لوحدك هتنجز في المذاكرة وهتوفر فلوس لا ومش كده وبس وكمان وقت واي تاني؟! ومجهود…!

ولما راح الطالب يسأل شخص تاني جاوبه بنفس النص وقال له:-

  • إياك تقعد هتنسى الدروس والمذاكرة وهتهملهم ومش هيبقى في حد متابع معاك وهتضيع يا وديع..!

وطالب الثانوية العامة طبعا محتار! محتار يا جماعه يعمل أي..!
وده الهدف من كتابة المقاله دي اننا نساعدك ومنخلكش تحتار كتير ولا تفكر كتير وعشان نعرف الحل سوى يلا بينا…

الحل

في 3 أنواع من الطلبة في ابوقت ده وممكن يا فندم تلاقي نفسك في واحد منهم..!
وهنبدأ مع بعض بالأول!

  • أول نوع من الطلاب هو الشخص اللي خد حصص ودروس وبيروح من أول السنة بإستمرار يعني مكنش بيغيب ومش بيفوت أي أي امتحان في الدرس ده نوعًا ما حاليًا هيبقى متطمن ووضعه كويس خصوصًا لو المستر اللي بيراجع معاه أسلوبه في المراجعة ميختلفش كتير عن الشرح وهيعرف يبقى حازم مع نفسه..! والطالب ده هيوفر على نفسه كتير لما يقعد في البيت في الوقت ده يراجع ويذاكر ويحل مع نفسه.

يلا بينا للنوع الثاني:-

  • النوع الثاني بقا هو الطالب اللي فوت حصص ودروس شروحات وامتحانات ومراجعات وده طبعا من أول السنة.. طالب مكنشي بيحضر امتحانات وفي حاجات واقعة منه في المذاكرة … وجه افضله ان يروح ويواظب على المراجعه ويدوس على نفسه شويتين وربنا هيكرمه.

بالنسبة للنوع الثالث بقا..

  • النوع الثالث هو الشخص اللي مخلص منهج تمام وكان بيحضر امتحانات وكله تمام بس بيفضل إنه يواظب و
  • ويروح الدروس عشان خايف الدنيا تبوظ وتتلخبط منه على اخر لحظة وخصوصًا لو المراجعات بتضيف ليه وتفيده فعلًا سواء أساليب أسئلة جديدة أو حل بينشط الذهن وبيخليه حاضر وسريع فده يطمن نفسه ويحضر المراجعات وربنا هيكرمه..

أخيرًا هي بتختلف من شخص لشخص في ناس بتبطل من الدروس وترخي ومش بتذاكر وناس بتبطل من الدروس ومش بتحتاح حد رقيب عليها او او لانه عنده هدف وبيصحي نفسه من عز النومه الحلوه عشان يذاكر فهي بتعتمد علي الشخص.. اخيرا ثق بالله وربنا هيكرمك ان شاء الله ويحقق ليك مرادك وحلمك!
#لجنة_حل_المشاكل
إي بوك
هنساعدك توصل لحلمك

اترك تعليقا
إغلاق