كيف إستخراج تصريح السفر للدراسة خارج مصر ” الدراسة في روسيا”

خطوات استخراج تصريح سفر للسفر والدراسة خارج مصر ( الدراسة في روسيا)

طبعًا من إجراءات السفر للخارج او الدراسة خارج مصر : سواء بتدرس على حسابك الخاص أو حتى تبع منحة.. هي إنك تعمل تصريح سفر وتأجيل للجيش وده للطلاب الي عندهم 18 عام فأكثر.. وفي المقالة دي هنتعرف على خطوات إستخراج تصريح سفر وتأجيل الجيش للدراسة في روسيا وباقي دول العالم مثل تُركيا أوكرانيا والمانيا وغيرهم…بالإضافة إن المعلومات دي أكيد هتستفاد منها ايضًا لو انت طالع بره مصر للسياحة أو للعمل ايضا.. لان الإجراءات مش بتختلف كتير.. تابعونا..

ما هي الأوراق المطلوبة لإستخراج تصريح سفر للدراسة في روسيا وتأجيل الجيش؟

الأوراق الي هتحتاجها هي كالآتي :-

1. جواب قبول (Acceptance Letter) من الجامعة الي قدمت فيها في روسيا او اي جامعة في العالم لو غرضك من تصريح السفر الدراسة .. وطبعا بتاخد جواب القبول توثقه في القنصلية التابعة لبلد الجامعة، وبعدين توثقة من الخارجية.
2. نموذج 2 جند ( وده تقدر تجيبه من اي قسم او مركز او مجلس مدينة في محافظتك او المدن التابعه لها)
3. صورة من شهادة الميلاد (شهادة ميلاد كمبيوتر بها الرقم الثلاثي) ” سعر استخراجها يتراوح ما بين 15 ل 50 جنيه مصريا)
4. صورة البطاقة الخاصة بك وصورة الباسبور او جواز السفر الخاص بك.
5. صورة من آخر شهادة حصلت عليها أو آخر مؤهل ونفترض أنها شهادة الثانوية العامة. ( يتم قبول الأصل او مستخرج رسمي بالدرجات )
6. كشف حساب بنكي وده مطلوب في مصر للتعرف علي مصدر التمويل ( حساب بنكي به مبلغ أكثر من 2000 جنيه مصري)

دي كل الأوراق المطلوبة وهنتابع الآن ازاي نسجل واي الخطوات الي ممكن نعملها عشان نحصل على تصريح للسفر خارج مصر للدراسة في روسيا.. تابعونا

خطوات التسجيل في قطاع الشئون الثقافية والبعثات لتأجيل التجنيد والحصول على تصريح سفر للدراسة في روسيا

خطوات التسجيل عشان نستخرج تصريح سفر للدراسة خارج مصر وخاصة الدراسة في روسيا هنعمل الآتي :-

• بتدخل على موقع البعثات وتعمل حساب جديد او أكونت ( أضغط هنا للدخول)
• بتشوف الورق المطلوب علي الموقع وتاخذه نسخة سكنر وترفعه على الموقع .. وبيطلعلك في الآخر كود أو رقم
• (أحتفظ بالكود)
• بتاخد الورق الخاص بيك والسابق ذكره في أول المقال وبتروح على مجمع التحرير بالقاهرة في مدة اسبوع من تاريخ ارسالك للورق من خلال الموقع

ملاحظة مهمة:- صور 7 نسخ من كل ورقة هتديهالهم وكل ورقة هتاخدها. تحسباً لأي ظرف ولانهم هيحتاجوا أيضًا نسخ مصورة من بعض الأوراق

• طبعاً بتروح للدور السباع بمجمع التحرير لقسم اسمه ادارة البعثات والإشراف العلمي “وبتقلهم إنك عايز تشوف الموافقة الامنية الأمنية الخاصة بك وصلت ولا لأ”.

أغلب الدول العربية بتاخذ اسبوع واحد لاكن في دول معينه بتوصل لفترة اكبر من 90 يوم مثل تركيا والسودان وغيرها..

لو وجدت إسمك في السجلات كده هتابع معانا باقي الخطوات وإذا لم تجد فهتنتظر حتي يتم ارسال الكود الخاص بالموافقة الامنية وتتابع باقي الإجراءات لإستخراج تصريح سفر للدراسة خارج مصر ” الدراسة في روسيا”.

خطوات إنشاء ملف واستخراج تصريح للسفر خارج مصر للدراسة في روسيا

• بعد ما تلاقي اسمك في السجلات.. بتوقف طابور وبعد ما يجي دورك هيطلب منك أنك تجيب ملفين وبعض الطوابع .. بعدين هياخد الورق منك والطوابع وكل الأوراق الي ذكرناها سابقا في المقالة.. وهيكتب البيانات وبعد كده هيديك وصل تروح تدفع مبلغ وقدره (120جنيه مصري)
• بعد الدفع هيعطيك ورقة إسمها خطاب بعثات والورقة دي هتروح تختمها.. مع العلم خطاب البعثات ده عشان تاخد بيه تأجيل من الجيش من حلمية الزيتون بالقاهرة
• بتروح حلمية الزيتون ومعاك الورقة مع التأكد من ان الورقة مختومة انها ختم النسر.. وطبعا هتمر بشوية تفتيشات وهيدخلوك بعد ما ياخدو الموبايلات وأي اجهزة ك (إجراء امني)
• هتديهم الورقة وهتاخد منهم ورقة التأجيل وهتدفع مبلغ بسيط

موعد إغلاق مكتب التجنيد بحلمية الزيتون في الساعة 2 بعد الظهر

• هترجع مجمع التحرير تاني ومن ثم هتروح حلمية الزيتون مع بعض الاوراق وأخيراً هيتم تاجيل الجيش ليك ومنحك تصريح للسفر خارج مصر والدراسة في روسيا ??

شاهد أيضا

1. هل يمكنني تحسين مجموعي وإعادة الثانوية العامة ؟ تم الإجابة
2. كيف التقديم في المنحة الدراسية الروسية لدراسة الطب والهندسة بالمجان للعام 2025