ازاي اكون واثق في نفسي واتخلص من الخوف؟

ازاي اثق بنفسي ؟

السلام عليكم ورحمة الله وبركاته
مرحبا بك متابعي العزيز ،لعلك بخير وأفضل حال ?


مش عارف اكون واثق في نفسي زي فلاااان ولا عارف اتكلم كويس زي فلان ولا …..زي….!!!؟

اممممم طيب اناقشك ف المشكلة من النهاية
ايه ال مش بيخليك تثق ف نفسك وانت بتتكلم او لما بتظهر قدام حد او لما تتناقش ؟؟؟

  1. يمكن متخيل ان ال قدامك ده رائع ف كل حاجة؟…=انت أهبل
  2. يمكن متخيل انه مُلم بكل حاجة في المجال بتاعه مثلا رغم انك بتدرس ف نفس المجال ؟…= مضحوك عليك !
  3. يمكن علشان مش عندك الجرأة الكافية ال تخليك تظهر مظهر الشخص الواثق في نفسه ..فتتكلم كويس وبهدوء وكلام منمَّق وبثبات وبدون خجل من السؤال وطلب العلم ؟ ….اه انت هنا واقعي اكتر وهساعدك .

لكن تعالى نفهم الاول ليه الشخصيتين ال مش واثقين ف نفسهم فوق بين أهبل او مضحوك عليه ؟
باختصار وبكل بساطة اقرأ دي واستوعبها ….عايزاك تفهم منها حاجتين

  • ★يعني إيه الثقة بالنفس
  • ★يعني إيه شخص مش قوي ف كل حاجة ولازال بيظهر في مظهر الواثق في نفسه .

اقرأ دي

الثقة بالنفس كلام فارغ ..سوف يدهشك كم الأشياء التي لا تعرفها أو لا تجيدها .. المهم أن تثق بقدرتك على أن تكون أفضل ..

د.أحمد خالد توفيق

اووووه يااه!!! كلام فاااارغ ؟؟!
?طبعا?

  • ★بمفهومك ان الشخص علشان يكون واثق ف نفسه لازم يكون عارف كل علوم الكون …يبقى كلام فاااارغ لانه عمره ما هيحصل !
  • ★بمفهومك انك لازم علشان تسأل مدرسك وتفهم منه لازم تكون على نفس قدر علمه فتضيع العلم ومتسألش …إذًا دا كلام فاااارغ
  • ★بمفهومك ان الأشخاص الناجحة دي واخداها بالوراااثة ..دا كلاااام فاااارغ

الثقة بالنفس انك يكون دايما جواك الشخص الشُعلة ..
الشخص ال يرفض يكون ف القاع وبيعافر في كل لحظة مهما ضاع اليوم منه …بيخلق الفرص .
الثقة بالنفس انك ترفض تكون ضعيييييف …وتسعى وتحارب بقوتك وعزمك وسعيك للمعرفة والتعلم ما دام فيك الروح .
★قلت “الروح ” لم أقل “الصحة” !!!!!!
ألم تجد كثير من المرضى رفضوا الاستسلام للمرض وسخروا وقت علاجهم ف طلب العلم ؟ واستغلال المحنة دي لأفضل منحة ؟!
طبعا شوفت وسمعت كتير …
هتقول الناس دي عندها عزم ووووووو وتألف قصص وروايات

هقولك حديث النبي _صلَّى الله عليه وسلَّم _
((إنما العلم بالتعلُّم ))

مش وراثة !
يعني بإمكانك تكون الشخص ال عايزه ما دُمت تسلك طريق التعلُّم …

  • اتعلم الصبر
  • المثابرة
  • الاجتهاد ..
  • اتعلم ترفض الكسل …
  • اتعلم ترعى صحتك علشان دي وسيلة ..وهكذا ليس مجال كلامنا حاليا .

طيب دلوقتي هنتكلم ف الشخص التالت ال بيقول معنديش الجرأة ……!
_انت خايف ؟
لا
_لا انت خايف !
لا مش خايف
_طب اسأل نفسك كده تاني؟!
اه يمكن خايف ..
?اتعمق ف سبب انعدام الجرأة واسباب حاجات كتير هتلاقي السبب اللعييييين وهو الخوف ..ال بيحرمك من حاجات كتيييير جداااا ف صالحك
مبدأتش ف تعلم كذا …اصلي خااايف منجحش !
_طب ما تفشل ياعم !
وحاول تاني …وافشل
وحاول تالت …وافشل
وافتخر انك فشلت للمرة الرابعة ما دمت ع الطريق وبتتعلم …واتعلم ال بتتعلمه واسأل واتعلم ازاي تنجح فيه.


طيب انا عارف الكلام النظري ده وكل حاجة لكن لسه برضه ..كبداية فيه صعوبة اني اكسر حاجز الخجل او ان يكون عندي جرأة؟

طيب هقولك ع حاجة طريفة جدا جربها وهتندمج وتبقى تمام …الهدف منها انك تكسسسسر حاجز البداية ال ف الاول وبعدين هتندمج عادي

ايه دي ؟?

اعمل نفسك واثق ف نفسك..ومثِّل انك واثق ف نفسك لحد ما عقلك الباطن يتعامل ان ده الواقع والطبيعي ..بعد كده هتكوني تلقائي جدااا وطبيعي .
ازاااي؟

  • ★يعني لو بتكسّر ف كلامك لما بتتكلم مع حد غريب …خد نفس عميق قبل ما تبدأ كلامك …وابدأ اتكلم بكل هدوووء وثقة ف الكلام ال بتقوله حتى لو فيه كلام مش ومتأكد منه ..وضح انك مش عندك معلومة كاملة عن صحته بكل هدوء ومن غير اندفاع او تكسير او تردد
  • لو معندكش الجرأة تسأل معلمك …مثِّل دا واضحك ع نفسك …وبنفس الطريقة ال فوق ..

دا التعلم !…مرة ف مرة هتلاقي نفسك تلقائيا مبقتش تكسّر ف الكلام مع الغرباء ..بقيت تتحاور مع معلمك بطلاقة وبأسلوب ميضايقش ف المناقشة …
بقيت بتقف قدام اكتر من شخص بتشرحلهم حاجة والوضع عادي
?اصل ايه اسوأ حاجة ممكن تحصل لو مثلت انك واثق لحد ما تندمج ويكون تصرف تلقائي بالتدريب والممارسة وبكده تكون حليت المشكلة ؟
=ولا اي حاجة !
?طب لو ع النقيض قولنا ايه افضل حاجة ممكن تطلع منها بده ؟…
هتكون معندكش مشكلة ف حياتك ..طريقة كلامك ..حركتك …مناقشاتك …بتطلب العلم بدون خجل …
لو رفضت تنفيذ الحل ف ده من الخوف ال هيخلي مكانك ف القاع ..او قمة ع أدك!
طب اقولك ع حاجة من الآخر ال انت عمرك ما هتوصل للشخص ال perfect ف كل حاجة وف اي حاجة لان الشخص دا مش ف الواقع ..دا ف خيالك انت بس …فهل معنى كده انك تفضل طول عمرك مش واثق ف نفسك؟
لو فاهم النقطة دي هتنفذ ال فوقها بدون تردد !
شوف الفيديوز دي هتفيدك
حلقة قصيرة ومهمة من قناة على وكتاب المتميزة

YouTube video

….
اكاديمية القادة وحلقتي تقدير الذات
YouTube video

….
YouTube video

اترك تعليقا
إغلاق