أختار علمي ولا أدبي أفضل ؟

محتاااااااار ادخل علمي ولا أدبي ؟؟؟

وبعد ما نخلص من دراسة كوكتيل اولى ثانوي من فيزيا وكيميا واحياء وتاريخ وجغرافيا وفلسفة ورياضيات …

نييجي للسؤال المحير …ادخل علمي ولا أدبي ؟؟؟؟

?لو انت جاهل بمواد العلمي …اقولك ماشي عندك حق ..واعرفك بيها واقولك شوف فيزيا كيميا احياء رياضيات دماغك شغال فيهم وبتحبهم ولا لاء …وهي مواد 3 ث من نفس القبيل مش شيء خارق !

?او لو انت جاهل بمواد الادبي كنت برضه وضحتلك المواد وعرفتك بيها وكلمتك عنها وشوفت دماغك تميل لإيه وتتجه بدون تردد ..


??لكن انت معندكش السبب دا اصلاااا لان فايدة اولى ثانوي انها تكسر حاجز الجهل وتعرفك انت ليك في ايه هل دماغك عندك فضول وشغف وحب لدراسة الرياضيات فتدخل علمي رياضة او للاحياء فتدخل علمي علوم او للفلسفة والتاريخ والجغرافيا واللغات فتدخل ادبي .


??انت دلوقتي غالبا بتعاني من السبب اللعين وهو الخووووف !

بس اقولك ؟?

  1. ??★الخوف ملوش مكان لو انت واثق ف نفسك (هنعرف دا مع بعض ف لينك تاني )

    **يعني هتوصل للشيء ال بتتمناه حتى لو معروف انه صعب وتقيل ..لكن هتوصل لمجرد انك بتحبه وتسعى إليه .**

  2. ??★الخوف ملوش مكان لو انت عارف نفسك كويس

  3. ??★الخوف ملوش مكان لو بطلت تفكر ف الناس وحررت عقلك

  4. ***مش علشان ابن خالتي دخل هندسة وطلع دكتور يبقى كمان انا لازم ادخل علمي رياضة علشان اطلع محامي …ويقولوا الظابط راح والظابط جه ??!!!مفيش الكلام البايخ ده ?..اتحرر من الناس وعش لنفسك واتعلم وافهم لنفسك علشان تبدع ف مجالك وتنفع غيرك وتبقى نفسك مش نسخة مكررة? !! …الناس مش هتنفعك لما تدخل طب علشانهم وتطلع طبيب فاااشل? !
  5. ولا هتنفعك لما تدخل ادبي وانت قدرتك ع دراسة الفلسفة والتاريخ ضعيفة ..لمجرد ان حد قالك علمي صعب رغم انك حابب الاحياء بس خوفت? !**
  6. ??★الخوف ملوش مكان لو عرفت قدر نفسك وأكرمتها ومش تخلي نفسك ريشة يحركها ال حواليك

  7. انت أكتر حد تعرف قدر نفسك “بل الإنسان على نفسه بصيرة ” #القيامة
  8. ?**مش كفاية بقا نكون نُسَخ مكررة من عقليات ال حوالينا !؟

ولا موضوع انك تطلع بعقلية متخلفة زيهم شيء مثير بالنسبة لك ؟؟؟


غاااااامر علشان هدفك والشيء ال بتتمنى توصله وال بتحبه …دي المتعة فعلا ومش هتستمتع غير لما ترتقي بتفكيرك وتبعد عن التفكير المادي البحت لمعظم الناس
ولو الشيء ال بتحبه دا سهل الوصول =اوعدك مش هتستمتع وانت ف الطريق ..?

???لكن كل ما كان هدفك عظيم وبتقابلك صعوبات وبتتغلب عليها وبتقاوم دايما ?علشان توصل للحاجة ال بتحبها ..كل ما كان الشيء ده قيمته عالية جدااااا? وإلا مشوفتش حد بيتعب علشان حاجة تافهة !

من الآخر وعلشان مش اطول عليك ..
★من حيث المعرفة = انت عرفت كل حاجة عن المواد ال هتدرسها سواء ف علمي او ادبي.

★من حيث الخوف = بعد كلامي انت سيد قرارك ..ي تكون نسخة مكررة ي تكون نفسسسسسك وتفهمها وتوصل بيها للمكان ال يليق بيك وال انت** شايف نفسك فيه .

اي سؤال ع بالك ف النقطة دي اسأله ف الكومنتات او الشات وهنرد عليك

24 Comments
  1. امل ياسين says

    طيب بيقول ان العلمى كل الكليات مفتوح ليه ام الأدبى كليات محدودة مع انا كان نفسى فى كلية وماجبتش مجموعها هروح كليات مش حلوة علشان كليات الأدبى محدودة ام العلمى تقدرى تدخلى الكلية الادبية ال نفسك فيه بمجموع قليل انا بجد اتلغبط كنت نفسى فى ادبى

    1. قدس مصطفى says

      كنت نفسك ف ادبي ؟!
      يعني انتِ دخلتي بالفعل علمي ؟!

      انتِ اخطأتي ي أمل لو كان نفسك ف ادبي ومدخلتيهوش … محدش هينفعك لما المواد العلمية ال مش مناسباكِ توترك وتتعبلك اعصابك !

      ما دام نفسك ف حاجة يبقى تدخليها لان دا هيكون قرارك وهتتحملي عواقبه بنفسك
      واي شيء محتارة فيه صلي استخارة ربنا يدلك على الخير

      1. غير معروف says

        صح معه حق فى كل كلمة قالها أنا دخلة ثانية ثانوي وإن شاء الله هدخل أدبى بإذن الله تعالى بس بابا مصمم على علمى علشان الكليات مفتوحة وأقدر اخوش الكلية اللى أنا عايزها من خلال العلمى بس انا خايفة أعمل كدا وادخل علمى بس انا سجلت أدبى بس محتارة بس أن شاء لله هصلى صلاة استخارة

        1. إيمان الفرماوى says

          انا في ثانيه ثانوي و محتارة اخش ايه حد يقولي ايه الحالي

  2. أولي ثانوي٢٠٢٠ says

    انا بحب الأحياء وشاطره فيها بس النظام الحالي عبارة عن علمي علوم وعلمي رياضه مع بعض وانا معرفش هقدر عليهم سوا و لا لا لأسئلة صراحتا ف الترم الاول كانت صعبه بذاات الكيميا وانا خوفت ومش عرفه…..

    1. اسماء محمد says

      أنا بحب الأحياء والكيمياء في العلمى بس مابحبش الفيزياء ام الأدبى أنا بحب التاريخ ومابحبش الفلسفة ولا الجغرافيا ومعنى مابحبش الفيزياء بس انا كفلته في الامتحانات أنا نفسي ادخل علمي بس خلو العلمي علوم والعلمي رياضة واحد أنا عايزة ادخل علمي بس خايفه ماقدرش أختى نصحتنى كتير وبتقولي ادخلى ادبي علشان متندميش هى فى علمى وتعبانة من المزاكره فهى بتقولى ادخلي ادبي علشان تقدري عليه أنا مش عارفه اختار ايه

    2. مديحة says

      انا بحب الكيمياء والأحياء ولكن الفيزياء والرياضيات تعبانه فيهم وعايزه ادخل علمى وخايفة منهم

      1. هناء جمعة says

        انا بحب الأحياء والكيمياء بس الفيزياء تعبانه فيه قوي وعاوز ادخل علمي وخايفه

    3. قدس مصطفى says

      على فكرة انتم فاهمين علمي رياضة غلط ، او بتكلم ع نفسي ، هو مش للعباقرة ولا حاجة ، بيتشرحلك الدروس عادي جدا وبتطبقي وهما كام فكرة معروفين وبتحلي عليهم مسائل كتير علشان تحفظي الكام فكرة ال ف الدرس الواحد ، فمش تقلقي خالص

  3. اسماء محمد says

    أنا بحب الأحياء والكيمياء في العلمى بس مابحبش الفيزياء ام الأدبى أنا بحب التاريخ ومابحبش الفلسفة ولا الجغرافيا ومعنى مابحبش الفيزياء بس انا كفلته في الامتحانات أنا نفسي ادخل علمي بس خلو العلمي علوم والعلمي رياضة واحد أنا عايزة ادخل علمي بس خايفه ماقدرش أختى نصحتنى كتير وبتقولي ادخلى ادبي علشان متندميش هى فى علمى وتعبانة من المزاكره فهى بتقولى ادخلي ادبي علشان تقدري عليه أنا مش عارفه اختار ايه

    1. Marwa says

      صلي صلاه استخاره

  4. أولى ثانوي says

    أنا كان نفسي ادخل علمى بس بكرة الكيمياء والفيزياء فاانا محتاره أعمل أى حد بيقولى

  5. قدس مصطفى says

    بصي يا أسماء لو بقوك ايه رأيك في الكريب ال عملته دا وانتِ مش دوقتي كريب قبل كده ولا تعرفي طعمه او مش متقنة لطعمه … ممكن تقولي عليه وحش وتكرهيه .. مع ان الكريب ال بعمله هو نفسه ال بيعجب أي حد … بمعنى ، شعور الحب والكره مش بييجي قبل التجربة والصبر والاجتهاد، هل انتِ صبرتي كتير واجتهدتي وجبتي أخرك في الفيزياء علشان تقولي مش بتحبيها ؟
    وجهك لو اديتيله اهتمام هيديكِ جمال
    بدنك لو اديتيه عناية … هيديكِ طاقة وصحة
    وكذلك اي مادة لو اديتيها اهتمام ومجهود هتعطيكِ رضا وفرح وحب ليها … ف الحب دا نتيجة بعد صعوبات مش كلمة عادية كده
    طبقي كلامي على حاجات كتير ف حياتك ، هتلاقيه سليم جدا
    احساس الراحة بييجي بعد النوم مش بمجرد النية .. ف الشعور بييجي بعد الفعل وليس قبله
    بالتوفيق

  6. قدس مصطفى says

    بص في التعليقات السابقة وصلي استخارة قبل اي قرار

  7. غير معروف says

    نا مش بحب اي ماده من مواد الادبي و بحب العلمي بس مش بحب الكيمياء و كمان خايف من الامتحانات و النظام الجديد الاسئله بتيجي صعبه و كمان الاباء مش بيفهمه ان المواد صعبه

    1. قدس مصطفى says

      مادام مش بتحب المواد الأدبي يبقى متدخلش أدبي !
      وع فكرة كيميا ٣ ث سهلة جدا لو تابعت مع مدرس كويس .. انا شخصيًا حضرت الشرح بتاعها وكنت بذاكرها مذاكرة عادية ورا المستر وكان بيحل معانا ورا كل درس كم سؤال كده .. جيت بعد ما خلص المنهج شرح وكم حصة مراجعة قكعت وراجعتها مع نفسي
      لان الاسئلة افكارها ثابته وسهل تتجمع والمسائل بسيطة لو مدرسك فاهم ومش معقد .. فمش تقلق نفسك .. الكيميا دي كانت اخر حاجة تشغل بالي لانها فعلا اسئلتها مفيهاش ابداع نهائي !
      ومكررة لو حليت كم امتحان ف المراجعة هتتلم جدا

      ف لو الكيميا مشكلتك ،صدقني انت غلطان .ولو فاكرها مشكلتك ،يبقى تدخل علمي وهتتأكد ان الوضع ابسط بكتير ف الكيميا عن تخيلك ،بالتوفيق .

  8. غير معروف says

    انا بكرة المواد العلمية بس بحب الاحياء و محتارة ادخل اى علمى ولاادبى

  9. مي says

    انا عايزه ادخل علمي بس المشكله بقي علمي علوم ورياضة ومن ناحيه بقول علمي الأدبي كويس ومواده هازاكرها كويس كل ال مخوفني الرياضه في العلمي خاصة بعض ما اندمج العلمي العلوم والرياضه مع بعض مش عرفه اعمل ايه كل ما اسال حد يقولي متتخوليش علمي علوم

  10. غير معروف says

    انا بحب المواد العلميه جدا وعاوزه ادخل علمي بس مشكلتي اني كلو بيقول علي العلمي صعب جدا .. وانا خايفه كمان من النظام الجديد في التعليم ومش عارفه اعمل ايه

  11. منال says

    انا صلاة صلاة الاستخارة رؤية كانت انى شوفت أحد يعطى امى كتاب وانا ابكى

    1. مُحمد علي says

      بصراحة مش بنفسر أحلام بس خير

      1. محمد says

        انا نفس المشكلة مش عارف اعمل ايه محتار مبين علمى وادبى انا بحب علمى علوم وانا بكره الرياضيات اختار فى النظام الجديد ايه رغم قالوا انى هيدمجوا علمى علوم وعلمى رياضة وانا بقيت محتار جدا لانى نفسيتى اتعقدت من كتر اتفكير فى هختار ايه انا لغايه دلوقتي مسجلتش رغم انى الترم الجاى محدش يعرف ايه الى ممكن يحصل ارجو النصيحة

  12. محمد says

    انا عندي نفس المشكلة مش عارف اعمل ايه خايف خايف جدا اختار حاجة اندم عليه انا بحب المواد علمى علوم ومش بحب علمى رياضة محتار جدا الانى النظام الجديد صعب اوى انا الى المخوفنى انى علمى علوم وعلمى رياضة هيدمجو مع بعض وانا مش عارف اعمل ايه

  13. محمد says

    ارجو النصيحة لانى مسجلتش انا ايه علمى ام ادبى ارجو الرد فى اسرع وقت

Leave A Reply

Your email address will not be published.

إغلاق