بدايتي في العمل على موقع اليوتيوب
انا بدأت أشتغل في اليوتيوب في التاريخ ده 13/1/2024 وده ده تاريخ أول فيديو رفعته علي يوتيوب ،بموبايل كان سعره 1500 جنيه مصري و كاميرته كانت 5 ميجا بيكسل و عمري مكنت أتخيل إن بعد أول 25 شخص أشتركوا ف القناه بتاعتي إني ممكن أوصل لمشتركين أكثر من كدة و يكون عندي منبر أقول فيه ال أنا عايزه!
يأس من إنعدام المشاهدات على قناتي على اليوتيوب
انا عملت اكتر من 40 فيديو و محدش شافهم عملت فيديوهات فويس أوفر و جرافيك و محدش للأسف عبرني ، حرفياً كنت بعمل ريفريش للمتصفح كل شويه عشان تزيد مشاهده زياده كل شويه، أعمل فيديو و محدش بيشوفني اصلاً ، طب حتا أنا كنت محتاج حد يقولي ايه الغلط الي انا بعمله او حد يشتمني يا سيدي أنا مش معترض ، بس قولي أيه الغلط ال بعمله وجهني !
تنبئ منصة Social Blade لقناتي بعدد المشتركين الذي سوف اصل لهم
كميه أحباط تملئ الاجواء و اذ بفاجئه اعمل في أقل من سنه 40 فيديو كمان و باردو محدش بيشوفهم في ايه طيب ؟! ، تعدي الأيام و منصه Social Blade و دي معظم اليوتيوبر عارفينها و هي منصه خاصه باليوتيوب بتقدر تتابع من عليها شغلك و شوفت فيديو لأحد اليوتيوبر وكان بيتكلم فيه عنSocial Blade وإنه بيعمل تنبؤات صحيحه جداً الموقع كان بيقول إن ف شهر 2 في 2024 هوصل ل 1000 سبسكرايبر أنا قولت هعمل تحدي لنفسي إني هوصل لأول 1000 في اول 2024 بحيث أكمل بقي ، انا عندي 80 فيديو دلوقتي و اكتر فيديو فيهم متشاف 1500 مشاهده يالهوي ع العظمه ده أنا بقيت مشهور جداً و بتشاف و ناس بتكتبلي كومنتات ، اي نعم هما 2 او 3 بالكتير بس فيه ناس اهو ..
الطريق الي الشهرة ونجاح قناتي على اليوتيوب
تعدي الأيام و أكمل في الفيديوهات و اعمل اي حاجة تيجي في بالي ، ويجي أول 2024 الاقي فيه عندي 10.000 سبسكرايبر ؟؟؟؟ ، هو في ايه يا جدعان ؟ ده انتوا قولتوا 1000 ؟؟؟؟، يجي تاني يوم في السنه الاقي اليوتيوب بيقولي إن في زياده 999% في القناه بتاعتك أنا مش فاهم حاجة لحد دلوقتي ؟ اليوتيوب يبعتلي رساله تانيه ع الجيميل و يقولي إن احنا عايزينك ف مؤتمر الـ Youtube creator في مصر عشان القناه بتاعك علي حسب تعبيرهم it’s got viral إنتشرت كأنها فايروس بقي معدل الناس ال بتجيلي تقريباً 500 كل يوم ، أنا لحد دلوقتي مش فاهم حاجة والله ، هو أنا بتشهر ولا ايه ؟ ، فضلت مكمل في الفيديوهات وانا مش عارف كل ده حصل ازاي لحد م عرفت صدفه أقسم بالله إن فيه فيديو ليا أنا ك أحمد جايب 150 الف مشاهده ، أنت بتقول ايه ؟ انا فيديو ليا متشاف 150 الف مشاهده ؟ ، فيديو واحد بس جابلي 11 الف سبسكرايبر ؟ ، كملت في الفيديوهات باردو و فضلت مستمر لحد يومنا ده و لحد م بقي عندي دلوقتي حوالي 172 فيديو فيه تقريباً منهم 5 ال شهروني أكترهم داخل علي النص مليون و اقلهم جايب 80 الف مشاهده ، دلوقتي احنا ف أواخر 2024 أنا عندي دلوقتي 46 الف سبسكرايبر ، وعندي مشاهدات في اقل منه سنه ونص عددهم حوالي 9 مليون ونص مشاهده و كل ده كان ب الموبايل و مفكرتش اشتري مايكروفون او اضاءه او كاميرا غير اما بقي عندي العدد ده ، دلوقتي أنا بقيت واحد من ضمن اليوتيوبر بتوع الثانويه العامه المعروفين ، لو سألتني هتستفيد ايه ؟ ، هقولك ربنا مش بيكرم ب الاجتهاد ربنا بيكرم بالسعي ممكن تخبط علي 99 باب يتقفلوا ف وشك و يفضل باب واحد بس هو الموجود و تفتحه باردو تلاقيه عوضك عن خساره ال 99 باب ال قبله ، “لا تحقرن من المعروف شيئاً يا جماعة” أقل حاجه ممكن تكون سبب في نجاحك فعلياً و افتكر ان فيديو من وسط 172 شهر واحد مكانش معروف اساساً .. وللناس ال حابه اليوتيوب و عايزين يكونوا يوتيوبرز ف السر الوحيد هو الأستمراريه ” أنت متعرفش ايه ال انت ممكن تعمله و يشهرك بتيجي بالصدفه !