طالب الثانوية العامة في زمن الكورونا | هنذاكر ولا هنموت كلنا؟

السلام عليكم أيها الطالب الي مش منحوووس خااالص ??
أيوة فعلاً .. وانا گـ واحدة عديت 3 ثانوي من 2016 هنق عليكم جدااا !!
لمجموعة أسباب وهي :

• تنسيقكم هيكون مرتاح جدااااا بإذن الله
•  المناهج اتخففت جدا جداااا
• ‏قدامكم شهر ال مبدأش فيه يقدر يبدأ ويلم كل ال نفسه فيه
•  الامتحانات هتيجي بسيطة لان الوزارة مش هتستحمل شكاوى من الاهالي

ف ها بقا .. مستني ايه ؟
قلقان من ايه ؟؟؟

طيب ..
خليني أطمن عليك الأول
أزيك،عامل ايه ؟
اخبار صحتك ؟
بتاكل كويس؟??
انت اكيد خاربها فـ رمضان بما انك مش بتتحرك من البيت اصلا ..
تعالى معاية ف رحلة بسيطة تسمعني واسمعك ❤

يــا ترى طالب ثانوية ف زمن الكورونا بيعمل ايه ؟

طبعا انا عندي نموذج حي ومش محتاجة إجابة ?
(من أبلكيشن للتاني وجروب مدرس للتاني وفيه ال بيجيلهم خصوصي ..ويا قلبي لا تحزن ??)
وف الابلكيشن الواحد بين كوميكسات وقرارات وطلبة محبطة وطلبة عاطف ف نفسها وطلبة بتكافح وبتجاهد نفسها ف ظل الاحداث المتوترة دي

طيب تعالى اركب معاية آلة الزمن ونظبطها ع المستقبل ف سن الاربعين مثلا ?
انت كده واقف ومعاك قلم وقدامك خريطة لحياتك

1. فترة الطفولة .. عادي ادراكك فيها محدود
2. فترة ابتدائي .. لعب وعناد ومفيش وعي اوي بمستقبلك
3. فترة اعدادي … يعني بدأنا نفهم شوية يعني ايه مستقبل والدراسة بقت جزء شوية من حياتنا .
4. فترة ثانوي .. واذا بك ف موقعك وعمرك ال40 مثلا تبص للفترة او السنة دي .. وتقول ياااه .. انا كنت مغفل كده ؟
   هتقول الكلمة دي ؟
   اه هتقولها .. عارف ليه ؟
   علشان السنة دي عمر ما حياتك هتقف عليها .. مجرد سنة انتقالية ف حياتك … لكن مش هتؤثر كتير فيها ولا قليل حتى علشان توصل نفسك تضيعها وتضيع وقتك وقيمك واخلاقك بالمنظر ده !

 أنا أعرف واحدة في (( أولى ثانوي ))بتدرس قسم ف هندسة من دلوقتي !

انت اكيد وصلك قصدي .
متوقففففش نفسك على قرارات وزارية ولا سنة دراسية ولا مجموع ولا يشغلوا بالك اصلا !!
حدد هدفك من دلوقتي وابحث عن كل المهتمين بيه والناجحين فيه واسألهم منين أبدأ .. وارسم خطة لنفسك

اوووعى توقف حياتك .. الازمة دي ع العالم كله .. لو وقفت تتفرج وتضحك وتقضي الوقت ف الترقب والانتظار هتفسد نفسك
(نفسك ان لم تشغلها بالطاعة شغلتك بالمعصية !)

طيب يعني اعمل ايه انا دلوقتي مشتت بسبب مش عارف ارسى ع بر ولا عارف استجمع تركيزي؟

طيب بص ي عم … بصيت ؟

1. جدد النية كده لله واعرف ان قدامك فرصة ع طبق من ذهب .. حتى لو ضايع .. ف انت قدامك اكتر من شهر تلم فيه الدنيا .. ومتقلقش اصلا .. المادة ال هتيجي صعبة مش عايزة اقولك هيتعمل ايه ف المسؤلين عنها  ، يعني ذاكر بأريحية وانت ف بطنك بطيخة صيفي ?.. بتحبه زيي ولا لا ؟ ?
2. طبيعي انك تمل .. علشان كده هقولك ع خطة حلوة
   س: احنا عندنا كم صلاة ف اليوم ؟
   ج: 5 صلاوات
   عايزاك بس تصلي وتذاكر ساعة واحدة بس بعد كل صلاة
   وكل يوم مادة مختلفة .. متذاكرش ف اليوم اكتر من مادة .. الا لو هتحل 

طب وافرضي الامتحانات اتلغت ؟ اكون ضيعت وقتي ع الفاضي ؟ يرضيكِ يعني ؟?

لا ي غالي ما يرضنيش طبعا.. لا يمكن أخرجك خسران ابدا .. عندي خطة ? يلا ؟

خليك مسلم ناصح بيجدد نيته ف كل عمل ف مش بيضيع وقته ابدا
بمعنى انت هتذاكر وف نيتك

حديث النبي صلى الله عليه وسلم
🙁 من سلك طريقا يلتمس فيه علما . سهل الله له به طريقا الى الجنة )

انت متخييييييل ؟
يعني حتى لو اصبت لا قدر الله وموتت ف انت طريقك متصل بالجنة… طب مش دي ال احنا عايشين علشانها اصلا .. مهما علينا ف الدنيا ؟؟

طب مش كده بالله احسن من انك تقضيه وانت بتلعب او بتتحسر او بتحبط من القرارات ال رايحة وجاية ؟
متقفش (الحركة بركة ) دا مثل لسه مألفاه دلوقتي علشانك علشان انت غالي?❤

احنا اتفقنا زي المثال ال فات نشتغل ع اهدافنا من دلوقتي بحيث مفيش حاجة تعطلنا
مثلا
واحد ف علمي رياضة ونفسه يدخل هندسة قسم معين .. يشوف ناس ف المجال دا وناجحين ويسألهم ع البداية والخطة ويتسلى كده ك حاجة تشجعه ع هدفه وانك بتستعدله
وكذلك اطلو واحدة ادبي ونفسها ف ألسن .. تحُف نفسها بناس من نفس المجال وتبدأ ولو 10 د كل يوم ف اللغة ال بتحبها
ولو واحدة ف علمي علوم زي حالاتي ونفسها ف اي كلية طبية ?
بنصحها تحول علمي رياضة … طبعا ال متابع للاحداث عارف انا بقول كدا ليه??

طب وايه يعني لو سبت السنة دي تضيع وخدتها اجازة كده مع نفسي اعيشها بالطول والعرض ومهتمش بأي حاجة ؟

انا برضه زيك كده .. بقول ليه ما ريحش نفسي واعمل الابحاث واسيبني من مناهج صيدلة دي ؟
لكن لقيت رد صارووووخي ربنا ارسله ع ذهني

النبي صلى الله عليه وسلم بيقول 
(اغتنم خمسا قبل خمس )
منهم
(شبااااابك قبل هرمك ..وصحتك قبل مرضك )

ف النبي حذرنا بخطورة التهاون ف الحاجتين دول ف حديث تاني كمان
(نعمتان مغبون فيهما كثير من الناس الصحة والفراغ )

انا كده خلصت كلامي ومش سبت ف ذهنك تساؤل مردتش عليه .. وانت ملكش حجة ..
لو عندك اي استفسار اسألنا ف التعليقات ان شاء الله نجاوبك ف اسرع وقت

تقدر تشوف كل المقالات المشابهة على الموقع ، وإليك بعض منها :

• كسلااااان وعندي مذاكرة وامتحانات اعمل ايه ؟
• أذاكر وانظم وقتي ازاي في رمضان ؟ نصائح في كبسولة لطلاب الثانوية العامة?
• ماذا بعد نتيجة وتنسيق شهادة الثانوية العامة ؟
• ازاي اكون واثق في نفسي واتخلص من الخوف؟