ثانوية عامة ومش عارف اذاكر ؟ اهم عشر نصائح لطلاب الثانوية العامة – مش عارف اذاكر ثانوية عامة

انا من تلات سنين ف نفس التوقيت كنت زيك كده ..”محتاسة “?
?لكن سألت نفسي بكل وضوح هو ايه المشكلة عندي بالظبط ف كل مادة ؟!
?وبكل بساطة فتحت مادة مادة وفردت ال فيها قدامي ..
? ‏وبعد ما فردتها
★ ⛅عرفت ايه ال انا مذاكراه من ال مش مذاكراه …
★ ‏⛅وعلِّمت بنجمة عليه ف كل مادة …
★⛅‏وحددت كل درس منهم هياخد مني وقت اد ايه مذاكرة …وخلال اسبوع (انقطعت فيه عن الدروس عدا الفيزيا والاحياء ) و كنت بالفعل خلصت المنهج مذاكرة بفضل الله ..
★⛅كان كل درس من ال مش مذاكراه اقصاه كان بياخد معايا ساعتين بإتقان جدا …
★⛅ ‏وخلال الاسبوع كنت واخدة المواد بالتوازي …
? ‏يعني يوميا درس عربي ف اي فرع ودرس فيزيا ودرس كيميا ودرس احياء وهكذا …وبالليل حل ع الانجليزي والفرنساوي ونوعية سؤال ف الفيزيا كنت محدده للنوعية دي نص ساعة احل فيها مسألة او اتنين ..زي ما تيجي .
? ‏او ممكن يكون درسين ..اصل انا كنت محددة ساعتين لكل مادة ..وع حسب الدرس هيخلص معايه ف ساعتين ولا اقل …
★⛅‏بس كنت عازلة نفسي تماما عن دوشة الدروس واصحابي وواثقة اني هوصل
‏
??‏كدة انا حصرت مشاكلي ف مذاكرة كل مادة ف عناصر اقل بدل ما اقول انا مش عارفه حاجة ف المادة ..دا عمره ما هيكون كده (ولما تدخل الكلية هتعرف ده كويس ?)

‏
??**ف كلامي ال فوق تحت عنوان

? 1_ (الانسان عدو ما يجهل ..)

?2_اكسسر حاجز البداية ...

طيب هو انا معقولة هكون محدد اني خارج من البيت للمدرسة مثلا وبدأت ف الحركة بالفعل وموصلش للمدرسة ؟! ?
لا طبعا ..?
ما دام اتحركت وبتمشي ف الطريق ال محدد “نهايته ” يبقى أكيد هتوصل ..مادمت بتتحرك ..
طيب وايه ال يعرفك انك ماشي في الطريق الصحيح بتاع المدرسة ؟!?
?اكيد مثلا بتمر على محلات معينة صيدلية معينة بيت حد من اصحابك ف الطريق ..دي كلها دلالات بتقولك انك ماشي صح وف” الطريق الصح “ ولو حصل وتعبت وقعدت ف اي مكان ف انت عارف انك هانت وهتوصل …مش معقول هترجع تاني !! ?
??بالظبط دا ال انا عايزاك تعمله ف اي حاجة مستصعبها ..حدد المسار وافرح بانجازاتك البسيطة فيه 
??انا بعد ما خلصت مذاكرة او قراءة المواد في الاسبوع ال حددته لنفسي ..
حليت امتحانات وعرفت ايه نوعية الاسئلة ال بتمثلي نقط ضعف ..
??بقيت استمر عااادي ف الحل وف كل امتحان اجي ع السؤال ال هو نقطة ضعفي واحله بتركيز واجمَّع افكاره ال في كل امتحان ..واحل عليه اسئلة خارج الامتحانات …وبكده انا وصلت ف الاخر اني معنديش اي نقطة ضعف ف الامتحان بتاع المادة الفلانية كامل ..
?⛅علشان كسرت حاجز البداية وخدتها واحدة واحدة ..مش علشان خايفة من نوعية اسئلة او ضعيفة فيها يبقى محلش ..او اقول انقص درجاتها عادي !! النجاح عمره ما يكون كده ..ولا هو بالوراثة ! لازم مجهود ??

3_ دايما امشي بمبدأتجزئة اي شيء عملاق إلى أجزاء صغيرة واشتغل على كل جزئية لوحدها بتركيز

ولما تخلص كل الأجزاء هتلاقي نفسك أنجزت الشيء العملاق ده …?☀
اصل انا لو اعطيتك خروف? مشوي كامل وقولتلك كله
هتقدر تاكله من غير ما تجزأه ومتتعبش ؟!
هتقدر تاكله كله ف وقت واحد من غير ما تتعب ؟!
طبعا لا …بنفس الطريقة هيكون منهجك وطريقة مذاكرتك

4_النجاح بالاجتهاد والصبر والمثابرة …
خلي عندك إصرار انك تتحدى نفسك والظروف وتوصل …وليه لأ يعني ؟! ?

5_ انت تستحق النجاح …انت مش أقل من حد ..ولو هتكون أقل منه ف انت اقل منه ف حاجة تقدر تعالجها بنفسك لو اتحديت نفسك وركزت ..
?دول كام يوم بالظبط وتخلص ومش هتشوف وش المواد دي تاني ..اخرج من السنة دي بطل وإياك تنتظر دور الضحية !!

6_ واحد بيقول انا حاولت بكل الطرق ال بتقوليها دي وبكل النصايح وتعبت مفيش فايدة ..؟
انا لسه بقولك إياك تيأس

شوفت او سمعت عن قائد معركة بطل وشجاع يتراجع عن ارض المعركة لمجرد انه حس بالهزيمة ؟!
???القائد الشجاع والبطل بيغير” الخطة “مش بيتراجع عن “الموقع “أبدًاااا
بيحارب لآخر لحظة ..لآخر نقطة دم …
انت ليه متكونش البطل من نفسك ؟!
ليه ؟! ??

7_ انت لو ملكش لازمة كنت قولتلك ماشي ..لكن انت مهم واحنا منتظرين منك النجاح ووالديك منتظرين منك النجاح علشان يفرحولك …جدد نيتك في المذاكرة وخليها عبادة بعملك وبر والديك وإدخال سرور على قلب مسلم …

8_ ابدأ من اللحظة دي من غير توتر ولا شد أعصاب ..عاااادي جدااا ..انسى تماما ان فيه امتحانات ومتفكرش فيها …
فكر بس ف المطلوب منك ف المرحلة دي
❓❓طيب وايه المطلوب مني؟!
?حل امتحانات بالهبل ..
?اعرف رصة الأسئلة  نفسها..
?مرَّن إيدك على إجابة كل سؤال بنفسك …
?وشوف الاجابات وراجع مع نفسك متنتظرش مدرس ..
?ي طيب دا لو انت مسكت شهر واحد قعدت تحل فيه امتحانات لكل المواد
★ خوفك من الامتحان هيختفي تماما …
★وتعرف ايه ال تركز عليه ف المذاكرة اثناء مذاكرتها ف الايام ال قبلها ..
★غير ان المعلومات هتثبت اكتر ..
??متقولش لسه مذاكرتش ..
?✊افتح الامتحان وحل وانت مش مذاكر وارجع للدرس _لو معرفتش الاجابة_ وذاكره وارجع كمل ..
??هتلاقي نفسك ع اخر الامتحان
•★ ذاكرت تلات دروس مهمين او اكتر .
• ‏★والمذاكرة دي افضل بكتير واثبت ل المعلومات .

9_ هيَّأ نفسك لأي وضع سيء ..عوِّد نفسك متخافش …غامر بنفسك لو نجحت =انت الكسبان
ولو خسرت =اتعلمت ومحصلش حاجة

?مدرس الفيزيا بتاعي قالنا كلمة مش ممكن انساها (الحصان لو شافك خايف منه هيتنطط عليك وهتفشل انك تركبه ) ..وهو مجرد حصاااان !!! ادخل بقلب جامد على المادة وتوقع اي شيء يقابلك وخليك صبور وطوِّل بالك على المعلومة في فهمها وحفظها والمادة مش هتتنطط عليك ..وهتبقى لعبة في ايدك .??

10_مش محتاج تسمع مني اقولك ان التوفيق لا غنى عنه ..والتوفيق من الله بس .. 

??فهل نقدر ننول توفيقه من غير ما نرضيه عنا ونستعين بيه ؟!
?اكيد سمعت كتير عن طلبة ثانوية كانوا زويل عصرهم ..وواحد مثلا سهر ليلة مادة ودخل نام فيها وضيع عليها المادة وخسفت ب المجموع بتاعه …وال عمل عملية ما ف يوم المادة رغم استعداده وهكذا …
ف الحكاية ف الاول والآخر ..حكاية توفيق ..ادعي الله يوفقك واستعن به في كل امورك وادعي لأصحابك ومتبخلش عليهم بحاجة واتمنى الخير لغيرك ??…وبرّ والديك? واطلب منهم يدعولك ولو ع الاقل الكام شهر الفاضلين دول …

❤أخيرًا ابعد عن السوشيال ميديا تماما وبطَّل تسمع نصايح وابدأ وحاااول بنفسك علشان تبقى فخور بنفسك لما تتخطى كل الصعاب بمحاولاتك الشخصية ?…