 |
| نصائح لطلاب الصف الثالث الثانوي 2025 في شهررمضان الكريم |
ايه حلمك….!
عايز تحقق ايه اكثر من اي حاجه تانيه..!
خذ بالك حلمك فين امسك ورقه وقلم
باستمرار ورقه وقلم وانت
عايز حاجه اكتبها .. اقرأها كتير … في كل الاوقات
خصوصا قبل ما تنام …اديها اسباب.. خليها في جيبك
حس بيها وابدأ امشي كل يوم خطوه خطوه بهدوء وثقه نفس لحد ما توصل لمرحله في تحقيق حاجه صغيره من حلمك
متخليش حد يحرك حلمك انت عندك حلم حط نفسك في المكان اللي انت عايزه.. المكان اللي حابب نفسك فيها
انت كطالب تتمني انك تكون طبيب او مهندس
حط نفسك في المكانه دي تخيل نفسك وانت طبيب او مهندس ايه شعورك بالنجاح ده
ماهو شعور من حولك وهو ينظر اليك
حط نتائج لحلمك قبل البدايه فيه
اي هدف كان فكره كان حلما ثم اصبح نجاحا
كل نجاح تسبقه تحديات فمتبدأش تحط العوائق بنفسك بتذكر التحدي بل ضع في قلبك ثقه كامله ان الله عند حسن ظنك به فظن بالله خيرا ثم ظن بنفسك انك قادر فيتحرك العقل الباطني بتحقيق اهدفك
في هذه الايام المباركه استغلها في الطلب من الله بتحقيق كل أهدافك
رتب يومك كالآتي
1- يومك في رمضان بيبدأ من صلاة الفجر (مش بينتهي الفجر)
2- أحسن وقت للمذاكرة في رمضان من بعد الفجر لغاية الظهر
(عقلك في كامل نشاطه – مش حاسس بالجوع أو العطش – الملهيات في الوقت ده قليلة)
لذلك ده أحسن وقت تذاكر فيه الاجزاء الصعبة اللي عليك وعايزة دماغ مصحصحة
3- بعد الضهر الـ curve بتاعك هيبدأ يقل وتبدأ تحس بالجوع والعطش
(الفترة دي لغاية العصر ممكن تنام فيها علشان تجدد نشاطك مره تانية)
4- من العصر للمغرب فترة تستغلها لتكملة مذاكرتك
(بس خليها لأجزاء أسهل شوية من فترة الصبح .. لإنك جعان وبتفكر في الاذان ?)
5- ملكش حجه انك تفوت صلاة التراويح علشان المذاكرة
(لإنك لغاية دلوقتي مذاكر تقريباً 9 ساعات) متحرمش نفسك من طعم وبركة رمضان
6- بعد التراويح ولمدة ساعة ونص تستغلها في مراجعة الجزء اللي ذاكرته طول اليوم وتحل عليه أسئلة (مهمة جداً في فترة الامتحانات دي)
7- ادخل نام 11 مش بعد كده علشان تصحى على السحور فايق وتبدأ يومك من بعد الفجر
___________________
_(4_5) قراءة الورد اليومي
_(5_12) مذاكره الجزء الصعب(ساعه مذاكره و١٠ دقايق راحه)
_(12_1)ظ فترة راحه
_(1_4 )نوم
4_7 مذاكره الجزء الصعب (ساعه مذاكره و١٠ دقايق راحه )
_(7_7.30) فطار
_(7.30_الترويح )راحه
_(الترويح_11) حل مسائل ومراجعه
_(11_3 )نوم
_(3_3.30) سحور
———————————–
لو مشيت على الجدول ده بالظبط .. أحب أبشرك بالآتي :
– 11 ساعة مذاكرة
– 7 ساعات نوم
– 6 ساعات (أكل وعبادة وتسلية)
مع تمنياتي للجميع بالنجاح