5 أخطاء في امتحان الثانوية العامة (اياك) أن تقع بها !

متابعي موقعنا – موقع اي بوك التعليمي – الكرام ، طلابنا طلاب الصف الثالث الثانوي أهلا ومرحبا بكم من جديد

مع إقتراب امتحانات الثانوية العامة للعام الدراسي 2025 ومشارفة رحلة الثانوية العامة على الإنتهاء وبدأ اختبارات وانتهاء الزرع ومجيئ وقت حصاد ما زرعته خلال هذه السنه الطويلة وجب علينا محرري موقع اي بوك التعليمي ان نتحدث معكم عن امتحانات الثانوية العامة وان نحذركم من أشياء ربما قد وقعنا فيها او عرفناها قد أضرت بنا كثيرا ووجب ان ننبه طلابنا عليها حتي لا يضيع تعبهم ويصبح هباء منثورا بفضل بعض الأخطاء التي ربما تعتقد انها بسيطه لاكنها عظيمة ونتائجها كارثية .

5 أخطاء في امتحان الثانوية العامة (إياك) أن تقع بها

بعد المجهود الكبير الي حضرتك عملته طول السنه  دروس ومصاريف ومذاكرة ليل نهار وحالة نفسية ميعلم بيها الا ربنا ملخصات ومذكرات كتب واجابات وغيره وغيره ، صراحة حرام عليك تضيع جهدك كله بسبب شوية أخطاء  من الممكن والمفترض انك  تتجنبها بسهولة ، وان شاء الله هعرفك أهم الأخطاء اللي لازم طبعا حضرتك تأخد بالك منها لاكن ركز معايا في الكام نقطة دول:

• إياك الذهاب الي الامتحان وانت نعسان

طبعا أنت عارف إن المقرر الي أخذته طول السنة حضرتك بتذاكره كله مره وحده في اليوم او اليومين الي قبل الامتحان ، ولأن معظم الطلاب بتعمل كده ، فانا عايز أحذرك من قلة النوم في ايام الامتحانات خاصة امتحانات الثانوية العامة ، خصوصا لو بتسهر للصبح وتروح الامتحان وبعد ما ترجع بتنام .

1. أولا:انت مش بتخاطر بس بالمعلومات الي حضرتك ذاكرتها في الايام الي قبل الامتحان او نقول ليلة الامتحان لأ انت بتخاطر بكل المعلومات الي انت ذاكرتها من اول ما بدأت السنة الدراسية!
2. ثانيا: الذاكرة بتكون في أسوأ أحوالها بسبب قلت النوم ، فتبقى حضرتك عارف المعلومات ، لكن مش قادر تركز وتجمع وتستردها من الذاكرة ، ولما تفتكرها بتكون عشوائية مش منظمه  او الطريقة الي انت ذاكرتها بيها رغم انك ممكن تكون مذاكرها 100 مره.

• إياك ان تقرأ الأسئلة وانت متوتر وقلقان

اللحظة اللي بتوصل فيها ورقة الأسئلة بتكون حضرتك في قمة القلق والتوتر، وطبعا نتيجة للتوتر والقلق الشديد عقلك بيقفل تماماً ، والعقل المفكر زي ما معظمكم عارف انه هو الي مسئول عن تخزين وتنظيم المعلومات ، فهتلاقي نفسك مش قادر تفتكر المعلومات المطلوبة اما لو اتكلمنا عن الحل فـ ان شاء الله الحل جداً بسيط : 
1. أول ما توصلك ورقة الأسئلة والمراقب يسلمهالك  حطها مقلوبة قدامك من غير ما تقرأ منها ولا حرف ، خذلك 3 دقائق وحاول تقرأ فيهم بعض الآيات اللي بتريحك من القرأن الكريم ، وادعي ربنا – عز وجل – واستعين بيه وتوكل عليه ، كمان حاول تنفس بهدوء شديد وأول ما تشعر بحالة من بالسكينة اقرأ ورقة الاسئلة واختار أسهل سؤال في الورقة الامتحانية وابدأ بحله.

•  إياك تروح الامتحان من غير ساعة.

دي غلطة بتسبب لك مشكلة كبيرة من غير أي أي داعي ، قبل ما تبدأ في الامتحان قسم الوقت على اسئلة الامتحان
ركز بقا معايا
يعني مثلا لو الامتحان 3 أسئلة ووقت الامتحان حواي ساعتين ، أدي كل سؤال نص ساعة وحاول تخلي نص ساعة في الآخر احتياطي لأي ظرف وللمراجعة ، وأثناء الامتحان تابع الوقت من خلال سعتك بشكل منتظم.
وطبعاً
بعض الاسئلة هتكون متمكن منها فعايز تكتب كل حاجة فاكرها في السؤال، وبعض الأسئلة بتكون طويلة جدا لما تحدد لها وقت بتقدر تعرف هتكتب فيها قد إيه، وإنك تختار المعلومات الرئيسية اللي تناسب الوقت المتاح ليك .
الأسئلة من النوع ده ممكن تخدعك وتخليك تضيع معظم وقت الامتحان عليها ، ولما تيجي لباقي الاسئلة من الامتحان تلاقي الوقت اتسرب ، فتكون عارف إجابة الباقي بس مش لاحق تجاوب فتضطر تكروت الاجابات وتكتب بسرعة شديدة عشان الوقت ميفتش عليك وللاسف هتكتب اي كلام في الامتحان .

•  إياك والاصرار على حل أسئلة الامتحان بالترتيب

لما تحل أسئلة الامتحان بالترتيب مهما كانت ممكن يقابلك سؤال صعب في الطريق فتفضل واقف قدامه و مصصم إنك تحله الأول ومش هتسيبه وطبعا مش هتسيبه الا وانت حاله حتي لو هيضيع منك الوقت بسبب اصرارك ده وبالتالي الوقت كله كله هيضيع وهتكون مش حليت ال اسئله قليلة في زمن كبير جدا . ده طبعا الخطأ الي معظم الطلاب بيعملوه لاكن ركز معايا في الصح
الصح إنك أول ما تقابل سؤال صعب تسيبه وتنتقل لغيره ، ده هيكون ليها أكثر من فايدة
ركز معايا فيهم

1. لما تجاوب الأسئلة اللي أنت عارفها كويس في الأول هتحس وتشعر بأمان وراحة ، عشان هتكون خلصت جزء كويس جدا من الامتحان ولسة قدامك متسع من الوقت
2. الأسئلة السهلة بتتحل بسرعة ، ومش بتحتاج كل الوقت اللي خصصته عشانها ، وبالتالي الوقت الي فاضل بيروح للأسئلة الأصعب في الامتحان
3. لما تسيب سؤال وتنقل لغيره ، عقلك بيستغل الفرصة ويبدأ يبحث عن الاجابة، ويفرز كل المعلومات اللي عنده وعشان كدة بتلاحظ كثير أنك لما ترجع لسؤال كنت سايبه  شوية تلاقيه مش صعب زي ما كنت فاكر أول مرة وتلاقيك ولله الحمد بدأت تتذكر والمعلومات بدأت تنسل زي الخيط كده لحد ما تجاوب عليه الاجابة النموذجية .

•  إياك تسلم الورقة من غير ما تراجع

تعرف إيه أسوأ من إن حضرتك تجاوب غلط ؟ الأسوأ أنك تكون عارفة الإجابة وناسيها وفي الاخر متكتبهاش … المشكلة دي لها شكلين كبار
ممكن تركز معايا فيهم بقا 

1. أول شكل : إنك تقرأ السؤال بشكل خطأ بسبب عدم التركيز واستعجالك الشديد ، في مرة من المرات جاني سؤال في الامتحان بيقول : أجب عن السؤالين الآتيين. وانا للأسف قرأته : أجب عن أحد السؤالين الآتيين لأن صيغة السؤال كانت بتيجي كدة  في السنوات السابقة وانا للاسف اتعودت على الصيغة دي فعقلي ترجمها لنفس الصيغة الي انا متعود عليها. وطبعا وللاسف خلاص كده كل سنة وأنت طيب سؤال كامل راحت درجته بسبب غلط زي ده
2. ثاني شكل : إن السؤال يكون فيه كذا مطلوب أو أكثر من جزء أ ، ب ، ج ، د ، وتجاوب علي بعض الأجزاء وتنسى أجزاء اخري.

المراجعة في نهاية الامتحان الهدف منها عندي قبل كل شيء أن حضرتك تتأكد إن كل سؤال  جاوبته ومش نسيته، وأن كل سؤال جاوبت  كل أجزائه بالفعل عشان متكتشفش فيما بعد انك نسيت سؤال وعندها لا ينفع اي شئ.