ألحق نفسي إزاي في المذاكرة؟؟ ثانوية عامة 2025

ألحق نفسي إزاي ؟؟ ثانوية عامة 2023

بواسطة hagarabdullah آخر تحديث يوليو 13, 2024

الحق نفسي ازاي ثانوية عامة 2025

طب اذاكر ولا اراجع ؟؟

طب ما انا لو راجعت ….الجديد بيتراكم عليا !!!

كمان بحفظ وبنسى

السلام عليكم

ازيك ي صاحبي عامل ايه ؟

ازيك ي صاحبتي اخباركم ايه ؟

معلش هانت وتعدي لحظات الصبر ع المجهول ال حاسين بيها دلوقتي ( وانا كنت زيكم كنت بحتاج اتمعلش كل 5 د ع الاقل )

عايزة اقول بس استعذ بالله من الشيطان الرجيم وخد نفس عميق وخرجه بهدوء ف الحالتين

ايوه كده … اتعود تهدي نفسك بنفسك ومتشدش اعصابك ☺️☺️

اهم حاجة الصحة ودا مش كلام وبس الصحة فعلا اهم شيء ، بالظبط زي لو خيروك بين المال ولا الصحة ،اكيد هتختار الصحة لانها هتجيب المال واي شيء تاني عايزه … لكن لو فرطت فيها ،هيكون طريقك اصعب شوية

فمتفرطش ابدا ف الكنز ال بتتحرك بيه دلوقتي (الصحة تاج)

حواليا صحبة جميلة كده زيكم واتكرر سؤالهم ليا ف نفس النقطة …

قررت اراجع مع المذاكرة

قولتلها جميل

قالتلي ما دا خلاني اقصر في مذاكرة الجديد واتراكم ولا طولت ده ولا ده

دا كان سؤال اتكرر كتير ولازم يتكرر ف فترة شهر 1 و2

لان بتحس دايما ان دي شهور انتقالية بتقربك جدا من الحدث النهائي وعايز تكون دايما ف وضع الاستعداد فبتحاول تلم ف اي حاجة بدون ترتيب او خطة تريحك نفسيا

وايه النتيجة ؟؟؟؟!

بتنضغط اكتر ولا تحصّل جديد ولا قديم.. لانك في الاساس بتتصرف تحت ضغط وتوتر ‼️

طيب والصح إيه في الحالة دي يا ترى ؟⁉️⁉️

الصح انك تهدى خاااالص ومش تستعجل لانك لو مش هديت دلوقتي كده كده هيجيلك لامبالاة ع شهر ٤ و ٥ ودا مش المفروض يحصل لان دي الشهور ال عايزين نشد فيها

فمتهدرش طاقتك ابدا ف الفاضي وعلى الفاضي

طيب الشهور دي المفروض والصح اعمل ايه ؟

الصح والمفروض اول شيء انك تهدى زي ما اتفقنا

وبعدين ؟

تستمر في المذاكرة ومتابعة الجديد مع الاساتذة بتوعك بنفس طاقة انك مش وراك غيرهم … تمام كده ؟

لا مش كفاية .. المطلوب ف الجديد تذاكر و تحل وتتقنه جدا جدااا ،ليه ؟

علشان تقف على ارض صلبة لما تيجي تراجع .. وتكون الجزئية دي بالنسبة لك مهضومة مش مشوشة علشان شغلت نفسك بحاجة جنبها

طيب عملت زي ال اتفقنا عليه وذاكرت الجديد واتقنته ،ايه تاني ؟

لا مش دا ال اتفقنا عليه بس … ال اتفقنا عليه اننا نههههههدى خاااالص الاول

طيب جميل وانتم طلاب شاطرين جدا وعملتم ال اتفقنا عليه ايه مزعلكم بقا ؟

القديم ؟

عايزاكم تخصصوله يوم ف الاسبوع كده وكل مادة تاخد معاكم ساعتين تجيب فيها ال عايزه ف المادة دي طيب انا عايزة اخدمك اكتر ف النصيحة

لما تيجي تراجع ع جزئية ابدأ بالحل عليها وارجع للمصدر هات منه الاجابة واكتبها دا بشكل مبدأي قبل ما تدخل ع المذاكرة ع طول علشان متحسش بالملل وعلشان تكون نشطت ذهنك بأهم الأسئلة في الجزئية دي

طب اليوم ال خصصته للمراجعة ده عدى ومقدرتش استغله ؟

يبقى تنساه وتنسى المراجعة تماما لحد ما ييجي اليوم دا تاني ،اتفقنا ؟

اهم حاااجة الجدييييد

وبعدين لما المدرسين يبدأوا مراجعة وتذاكروا معاهم أول بأول هتحسوا الامور منظمة اكتر واكتر وخاصة مع الحل حتى لو بتنسى من المراجعة الجماعية والحل هتجمع الدنيا تاني معاك بإذن الله

ومعلش ي ابطاااال هاااانت كتير ،عايزاكم لو عندكم اي استفسار او مشاكل ف المذاكرة تبعتولي على رسايل الموقع واوعدكم مش هتأخر أبدا في مساعدتكم يا أصحابي

في رعاية الله

ملخص المقال

يتحدث هذا المقال عن الاستعداد لامتحانات الثانوية العامة لعام 2025 و ازاي الحق نفسي في المذاكرة ويستعرض بعض التساؤلات والتحديات التي تواجه الطلاب في هذه الفترة. يشدد المقال على أهمية الاسترخاء وعدم التوتر، وضرورة الحفاظ على الصحة النفسية والبدنية. يشير إلى أن فترة شهري يناير وفبراير هي فترة انتقالية مهمة وتحتاج إلى التركيز والتحضير الجيد. يُنصح بتنظيم الوقت وتخصيص يوم في الأسبوع لمراجعة المواد القديمة. كما يُشدد على أهمية تركيز الطلاب على المواد الجديدة وتذكرها وحل الأسئلة المتعلقة بها، وذلك للتأكد من فهمها جيدًا قبل العودة لمراجعة المواد القديمة. وفي فترة المراجعة، يُنصح بالاستفادة من المراجعة المدرسية وتواصل الطلاب مع المدرسين للمساعدة والتوجيه. في النهاية، يشدد المقال على أهمية الاستفسار وطلب المساعدة في حال واجه الطلاب أي مشاكل أو استفسارات.